SMM-адиси

Биз социалдык тармактарда брендибизди көрүнүктүү, кызыктуу жана сүйүктүү кылууга жардам бере турган SMM-адисин издеп жатабыз. Эгер сага контент түзүү, блогерлер менен иштөө, жаңы инструменттерди сыноо жана өз ишиңдин реалдуу жыйынтыгын сандардан жана аудиториянын активдүүлүгүнөн көрүү жакса - анда сен бизге керексиң.

Бизде сен өз идеяларыңды ишке ашырып, форматтар менен эксперимент жүргүзүп, тренддерге көз салып, күн сайын миллиондогон адамдар колдонгон бренддин өнүгүшүнө таасир эте аласыз.

Негизги милдеттер:

• максаттуу аудиторияны жана атаандаштарды талдоо;
• социалдык тармактарда брендди илгерилетүү стратегиясын иштеп чыгуу: Facebook, Instagram, YouTube;
• контент-пландарды түзүү жана рубрикатор иштеп чыгуу;
• графика жана тартуу иштерине техникалык тапшырмаларды даярдоо;
• катталуучуларды тартуу, аудиторияны жана бренд баракчаларынын активдүүлүгүн жогорулатуу;
• тексттерди жазуу;
• аккаунттарды таргеттелген жарнама аркылуу илгерилетүү;
• инфлюенсерлер менен иштөө;
• жарнамалык кампанияларга пост-анализ жүргүзүү, баракчаларды илгерилетүүнүн натыйжалуулугун баалоо жана отчетторду даярдоо;
• социалдык тармактардагы бренд тууралуу эскерүүлөр менен иштөө, модерация жүргүзүү жана катталуучулар менен коммуникация түзүү;
• сайттагы контенттин өз убагында жана туура жаңыланып турушун көзөмөлдөө;
• маркетингдик активдүүлүктөр жана негизги көрсөткүчтөр боюнча үзгүлтүксүз отчетторду даярдоо.

Билимге жана тажрыйбага коюлуучу талаптар:

• кызыктуу жана сабаттуу тексттерди жаза билүү;
• социалдык медиа мүмкүнчүлүктөрүн жана чектөөлөрүн билүү, digital-маркетингдин иштөө принциптерин түшүнүү;
• жаңылыктарга тез ыңгайлашуу жана ситуативдүү контентти колдоно билүү;
• digital дүйнөсүндөгү тренддерди билүү жана дайыма үйрөнүүгө даяр болуу, социалдык тармактардагы жаңы инструменттер тууралуу биринчилерден болуп кабардар болуу;
• графикалык дизайн жана фотография боюнча түшүнүгү болушу, эстетикалык табитке ээ болуу;
• көп тапшырма менен бир учурда иштей билүү;
• тез үйрөнүү жана жаңы инструменттерди, процесстерди өздөштүрүүгө даяр болуу;
• анимацияланган видеороликтерди түзүү, Adobe Photoshop, Adobe Illustrator жана Adobe Premiere программаларын билүү артыкчылык болуп саналат.

Биз сунуштайбыз:

• идеяларды, эксперименттерди жана жеке долбоорлорду ишке ашырууга эркиндик;
• туруктуу өнүгүү: окутуу, кесиптик курстарга жеткиликтүүлүк, тармактык иш-чараларга жана конференцияларга катышуу;
• иштөө үчүн заманбап инструменттер жана ыңгайлуу жумуш мейкиндиги;
• акы төлөнүүчү эмгек өргүүсү жана бардык социалдык кепилдиктердин сакталышы;
• корпоративдик мобилдик байланыш жана кызматкерлер үчүн атайын сунуштар.

Бош кызмат ордунун талаптарына жооп берген талапкерлер маектешүүгө чакырылат.