Келечектин SIM-картасы – eSIM

eSIM деген эмне?

eSIM технологиясы (Embedded SIM – «орнотулган SIM-карта») – өндүрүш этабында түзүлүшкө орнотулуучу 6х5 мм өлчөмүндөгү кенедей микросхема болуп саналат. Ал орнотулбайт да, чыгарылбайт. Жаңы QR-кодду окуу жолу менен жаңы маалыматты жүктөө гана жетиштүү болот.

eSIM кимге керек жана анын артыкчылыгы

eSIM-картанын функционалын бир нече номерлери бар абоненттер толук баалай алышат – бул жаңылык эки смартфон көтөрүү муктаждыгынан арылтат. Мында абонент SIM-картанын форматы (mini, micro, nano) тууралуу кабатырланбайт;

Бул технология Internet of Things (Буюмдардын интернети), трекер-түзүлүштөр, ноутбуктар, ошондой эле “акылдуу үйлөрдүн” компоненттери деп аталагн (сигнализация, датчиктер, видеокамералар, үй-тиричилик техникасы ж.б.) үчүн да келечектүү.

Эң башкы артыкчылыктарынын бири – смартфондордун ээлери үчун коопсуздук болуп саналат – түзүлүш уурдалып кеткен учурда түзүлүштү кайрадан ишке киргизүү процесси татаалданат. Виртуалдык SIM картанын ээси гана түзүлүшкө жаңы профилди жүктөп, эски профилин өчүрө алат. Эгерде смартфонду уурдап кетишсе, кылмышкер үчүн анын баалуулугу жоголот. Телефондон eSIM-карта чыгарылбайт, андыктан түзүлүштү өз максаттарына колдонууга мүмкүн болбойт.

eSIM технологиясы менен иштеген түзүлүштөрдүн моделдери:

iPhone XS, XS MAX, XR, 11, 11 Pro, 11 Pro Max;

Google Pixel 3, 4;

Samsung, Huawei компанияларынын eSIM менен иштеген Smart сааты;

iPad Air 3, iPad mini 5, iPad Pro (үчүнчү версия), LTE менен иштеген моделдердин версиялары;

Microsoft Surface Pro 5 и 6.

Samsung Galaxy S20 Ultra 5G, Samsung Galaxy S20+ 5G, Samsung Galaxy S20 5G, Samsung Galaxy S20+, Samsung Galaxy S20, Samsung Galaxy Z Flip, Samsung Galaxy Fold

eSIM-картасын кантип колдонсо болот?

Каалаган О! сатуу жана тейлөө кеңсесине же O!Store дүкөнүнө келип, түзүлүштүн ырастоолорунда eSIM-картаны активдештирүү үчүн уникалдуу QR-кодун алып кетүү керек. Мындай активдештирүүнүн баасы – бардык салыктарды эсепке алуу менен 100 сом. Эгерде сиздин түзүлүш eSIM-карта менен иштей турган болсо, анда сиз өзүңүздүн учурда колдонуп жаткан О! номериңизди кадимки SIM-картанын ордуна eSIM-картага алмаштырып алсаңыз болот.

eSIM-картасын актидештирсе болот

Түзүлүштүн «Ырастоолоруна» кириңиз;

«Уюлдук байланыш» же «Мобилдик маалыматтар» бөлүмүн тандаңыз;

«Уюлдук тарифти кошууну» басыңыз;

Түзүлүшүңүздүн жардамы менен QR-кодду сканирлеңиз.

Муну билүү зарыл

! QR-кодду, pin1 жана pin2 коддорун эч кимге бергенге болбойт. eSIM-картасын калыбына келтирүү же жаңы түзүлүшкө көчүрүү үчүн сөзсүз түрдө QR-кодду сактап коюңуз.

! Бул технология менен иштебеген түзүлүшкө eSIM-картасын кошууга болбойт. eSIM-картаны киргизүүгө же «кошууга» болбойт, түзүлүшүңүздүн өзгөчөлүктөрүндө eSIM-картасын колдоо көрсөтүлүшү керек.

Эгерде смартфон иштен чыккан учурда eSIM-картасы менен иштөөнү кантип улантуу керек

Жаңы eSIM-картасын алуу керек. Түзүлүштүн ырастоолору кайрадан баштатылгандан жана eSIM-картанын профилин өчүргөндөн кийин ошол эле eSIM-картаны кайрадан колдонуу мүмкүн.

eSIM-картасын туура кошуп алуу же калыбына келтирүү үчүн Wi-Fi же түзүлүштөгү башка SIM-картанын мобилдик маалыматтары аркылуу интернет түйүнүнө кошулуу керек.

Мында бардык эле түзүлүштөр профилди туура өчүрө албайт, ал эми профилди бир эле убакта ар кайсы түзүлүштөрдө колдонуу мүмкүн эмес.

eSim-картаны өз алдынча кантип калыбына келтирсе же жаңы түзүлүшкө көчүрсө болот

Түзүлүштүн ырастоолоруна кирүү керек жана түзүлүштүн ырастоолорун толугу менен кайрадан баштатууну аткаруу керек.

Бир eSIM-картада 10 жолуга чейин ырастоолорду толугу менен кайрадан баштатууга болот.

Тилекке каршы, бардык эле түзүлүштөр eSIM-картаны туура калыбына келтирүүнү аткара алышпайт. Эгерде eSIM-картаны өз алдынча калыбына келтире албай, же жаңы түзүлүшкө көчүрө албай койсоңуз, анда О! Мобилдик операторунун сатуу жана тейлөө кеңселерине же O!Store дүкөнүнө кайрылыңыздар.