О! мобилдик оператору Tele2 жана Kcell тармактарында интернет-роумингге бааларды төмөндөттү

О! мобилдик оператору Казакстандагы Tele2 жана Kcell операторлорунун тармактарында роумингде мобилдик интернеттин баасын төмөндөткөндүгү жөнүндө маалымдайт.

Мисалга, Tele2 тармагында О! мобилдик операторунун абоненттери үчүн роумингде 1 Мб мобилдик  интернеттин баасы - 4 сом. Ал эми Kcell тармагында – 5 сом. Ошентип, роумингдеги мобилдик интернеттин  баасы сегиз эсе арзандады.

«Казакстан –  биздин абоненттерибиздин арасында эң көп суралчу багыттардын бири. Биз бүгүн О!дон интернет-роуминг кызматынын баасы дагы да арзандагандыгын маалымдап жатканыбызга кубанып турабыз. Биздин Казакстанга кетип жаткан абоненттерибиз дайыма байланышта болуп, интернетти пайдалуу шарттарда колдоно алышат», – деп О! мобилдик операторунун интерконнект жана роуминг кызматынын жетекчиси Роман Литвинов билдирди.

«Роуминг» кызматы мобилдик байланышты SIM-картаны алмаштырбастан, Кыргызстандын чегинен тышкары колдонууга мүмкүндүк берет. Кызматты кошуу үчүн өлкөнүн аймагынан чыгаардан мурда *996# буйрутмасын терүү жетиштүү, ал эми интернет-роуминг кошуу үчүн *997# буйрутмасын терүү керек.

Тарифтер жана кызматтар жөнүндө кенен маалыматты компаниянын расмий сайтынан www.o.kg билүүгө болот.