Маанилүү! SIM-карта каттоодон өтмөйүнчө байланыш кызматтары жеткиликтүү болбойт. Эгер SIM-карта активдештирилген күндөн тартып 30 күндүн ичинде номер катталбаса, тарифтик планга ылайык, сизге салыктарды кошкондо күнүнө 20 сом турган номерди сактап туруу кызматы көрсөтүлөт. Бул кызмат иштеп турган мезгилде номерди каттоодон өткөрүүгө мүмкүнчүлүк сакталат. Эгер жеке эсептеги калдык 20 сомдон аз болсо, оператор кызматты эсептеги калган суммага көрсөтүүгө укуктуу. Баланста каражат жок болсо, номер өчүрүлүп, SIM-карта деактивацияланат;

Тариф бүткүл өлкө аймагында иштейт;

Тариф алдын ала төлөө тутумунун абоненттери үчүн жеткиликтүү;

Бул тарифке өтүү жаңы SIM-картаны активдештирүүдө мүмкүн болот.

КР боюнча 3 секундга чейинки бардык чыгыш чалуулардын баасы – 0 сом;

Бардык кирүүчү чалуулар акысыз, КРнын стационардык операторлорунун номерлеринен 705 префикси бар номерлерге кирүүчү чалуулардан тышкары – мүнөтүнө 4,99 сом;

КРнын стационардык операторлоруна чыгыш чалуулар – мүнөтүнө 4,99 сом, "Кыргыз Темир Жолу" мамлекеттик ишканасынын стационардык номерлерине (+996-312-92-6х-хх жана +996-312-92-7х-хх) чыгыш чалуулардан тышкары, алар мүнөтүнө 7,49 сомдон тарифтелет;

Акы төлөнүүчү байланыш кызматтарын өчүрүү босогосу тарификациянын минималдуу бирдигин төлөөгө керектүү акчанын көлөмүнө барабар.

Эгер абоненттик төлөм алынган учурда балансыңызда каражат жетишсиз болсо, тарифтик план узартылбайт жана стандарттык тарификация колдонулат:

Кыргызстандын бардык мобилдик тармактарына 1 SMS — 1,5 сом;

О! тармагында чалуулар – 1,18 сом/мүнөт;

КРнын мобилдик операторлоруна чалуулар* – 2,8 сом/мүнөт;

Мобилдик интернет — 1,99 сом/МБ (тариф үчүн төлөмдү күтүп турган учурда);

«Акылдуу түзмөк. Чексиз» тарифтик планына кошулганда, «Үн почтасы» кызматы автоматтык түрдө кошулат;

Чыгуучу эл аралык чалуулар жана SMS билдирүүлөрү эл аралык байланыш кызматтарын көрсөтүү шарттарына ылайык жеткиликтүү.

«Акылдуу түзмөк. Чексиз» тарифтик планы бар SIM-картаны активдештиргенде, арзан баада эл аралык чалууларды жасоого мүмкүндүк берген «Бүткүл Дүйнө!» кызматы автоматтык түрдө кошулат;

Эгер мүнөттөр жана/же SMS топтому 28 күндүн ичинде толугу менен колдонулбаса, кийинки абоненттик төлөм алынганда же топтомдор автоматтык түрдө жаңыртылганда (ар бир 28 күн сайын), колдонулбай калган SMS жана мүнөттөр күйүп кетет.

«Акылдуу түзмөк. Чексиз» тарифин компаниянын башка жеткиликтүү тарифтерине алмаштырганда, чексиз интернет-трафик, пайдаланылбаган SMS жана мүнөттөр күйүп кетет. Ошол эле учурда «Акылдуу түзмөк. Чексиз» тарифи үчүн буга чейин алынган абоненттик төлөм кайтарылбайт.

Бардык кардарларга интернетке ыңгайлуу кирүү мүмкүнчүлүгүн камсыз кылуу үчүн компания трафикти «адилеттүү пайдалануу саясатын» (FUP — Fair Usage Policy) колдонот. Бул тармакка эң көп жүктөм түшкөн убакта тармактык ресурстарды адилеттүү бөлүштүрүүнү билдирет. Эгер абонент эсептик мезгил ичинде (акыркы абоненттик төлөм алынган күндөн тартып) интернетти адаттан тыш чоң көлөмдө колдонуп, башка абоненттерге ыңгайсыздык жаратса, система кийинки абоненттик төлөм алынганга чейин (эсептик мезгилдин аягына чейин) интернетке кирүү артыкчылыгын төмөндөтөт. Кийинки абоненттик төлөм алынган күндөн тартып интернетке кирүү артыкчылыгы автоматтык түрдө калыбына келтирилет. Мындай ыкманын негизги артыкчылыгы — тармактын ресурстары бардык абоненттер арасында адилеттүү бөлүштүрүлүп, ошол учурда мүмкүн болгон максималдуу ылдамдык камсыздалат.

Абоненттик төлөмдүн баасы бардык салыктарды эске алуу менен көрсөтүлгөн. Калган кызматтардын баасы КНСти эске алуу менен, сатуудан алынуучу салыктарды (СС) эске албастан көрсөтүлгөн.

О! тармагындагы чыгыш чалуулар жана КРнын башка байланыш операторлоруна чыгыш чалуулар үчүн тарифтик интервал – 10 секунд.

*Кыргызстандын башка уюлдук байланыш операторлорунун номерлерине «Альфа Телеком» ЖЧКнын (MegaCom бренди), «Скай Мобайл» ЖЧКсынын (Beeline бренди), «КТ Мобайл» ЖЧКсынын (SALAM бренди) номерлери кирет.